Yolda Etika Qaydaları

Hörmət göstərən = ən peşəkar sürücüdür

✔️ «Zəif» və ya «ucuz» maşın görəndə özünü göstərməyə ehtiyac yoxdur

Heç kim kimdən geri qalmır. Kiminsə maşını köhnədir deyə ona hədə-qorxu gəlmək, arxadan sıxmaq, sıxışdırmaq — bu sadəcə mədəniyyətsizlikdir.

✔️ Velosipedçi, motosiklist, skuter sürəni görəndə yavaş keçin

Bu insanlar açıq havadadır, qorumasızdır.

Yanından bərkdən keçmək onları qorxuda, tarazlıqdan sala bilər.

Onlar da işinə gedir, evinə tələsir — hörmət etmək lazımdır.

✔️ Kiməsə yol vermək — zəiflik deyil

Ego qırılmır, nüfuz düşmür.

Əksinə — səni daha böyük, daha peşəkar göstərir.

Ən yaxşı sürücü o deyil ki, hamını ötür…

Ən yaxşı sürücü odu ki, hamının təhlükəsizliyini qoruyur.

✔️ Cərgəyə (полоса) girmək istəyənə yol vermək — mədəniyyətdir

Çox vaxt görürük ki, biri cərgəyə keçmək istəyir, amma başqa biri burnunu qabağa soxub heç nə olmamış kimi düz qabağa baxır — elə bil sağ tərəf yoxdu.

✔️ Park etmək — “kim harada yer tapa bilirsə” oyunu deyil

Səkini, keçidi, giriş-çıxışı bağlamaq — başqasının yolunu çətinləşdirməkdir.

Düzgün park etmək sadəcə qayda deyil, hörmətdir.

Mükəmməl maşın sürmək bacarıqdır, amma düzgün park etmək şəxsiyyət göstəricisidir.

Bu davranışlar Səni “güclü sürücü” etmir. Sadəcə tərbiyəni göstərir 🫶🏻

Müəllif: jasminlnizm